نماشون سر ویشه بهییه خاموش
مست بلبل ناله بیموء مه گوش
نامرد فلک حلقه دکرده مه گوش
و نه بمردن بوردن چهار کس دوش
نماشتر سر وگ بزوئه نقاره
تیل بخرده لینگ هستکا دیاره
رعیت مرز سر ونگ کنده شه خداره
یاجان مره بی یا جان امه آقاره
قالی سر نیشتی کوب تری ره یاد دار
امسال سیری پار وشنی ره یاد دار
اسب زین سواری دوش چپی ره یاد دار
چکمه دپوشی لینگ تلی ره یاد دار
مره کل امیر گننه پازواره
بلو دست اییت مرز گیرمه تیمه جاره
هرگز ندیمه نره گو گوک ور آییت داره
شی نکرده زن وچه کش اییت داره
امیر پازواری
شعر مازندرانی - تبری...